Corporate Restructuring

Stór hluti daglegs rekstrar fyrirtækja, stofnana og sveitarfélaga snýst um að leita leiða til að bæta þjónustu/vöru sína og um leið hagræða í rekstri og hámarka nýtingu þess fjármagns sem liggur þar að baki. Hvort sem um er að ræða framleiðslufyrirtæki, verslanir, veitufyrirtæki eða sveitarfélög, þá er það krafa samfélagsins að gera betur í dag en í gær.

Hjá KPMG starfar öflugt teymi starfsfólks sem býr yfir sérþekkingu og reynslu úr flestum greinum atvinnulífsins. Á fyrirtækjasviði eru sérfræðingar sem hafa sérhæft sig í að stýra breytingaferli til að auka hæfni rekstrar- og þjónustueininga, en hluti af okkar þjónustu felst einmitt í því að koma að fjárhagslegri og rekstrarlegri endurskipulagningu.

Eftirfarandi þættir eru hluti af ferli endurskipulagningar:

Stöðugreining; úttekt á rekstri og efnahagi
Tillögur að breytingaferli
Framkvæmda- og aðgerðaáætlun
Fjárhagsskipan; áhersla er lögð á að bæta fjárhagsskipan til lengri tíma
Ferlagreining; farið yfir alla ferla og lögð áhersla á að einfalda þá eins og kostur er
Áætlanagerð, arðsermisútreikningar; farið yfir alla framlegðar- og kostnaðar útreikninga. Gerð rekstraráætlun þar sem fram kemur yfirlit yfir rekstur, efnahag og sjóðstreymi
Sjóðs- og skuldastýring; með forsendur rekstraráætlunar er lagður grunnur að allri sjóðs- og skuldastýringu. Markmiðið er að lágmarka vaxtakostnað og tryggja sem öruggasta stöðu fjármagns á álagstoppum.

Það er ekki nóg að fara í ofangreinda þætti ef starfsmenn eru ekki tilbúnir til þess. Það er þekkt að ef starfsfólk sé ekki ánægt, eru líkur á að viðskiptavinur sé það ekki heldur sem getur leitt af sér minni veltu eða lægra þjónustustigs og þar með verri nýtingu fjármagns. Því leggur KPMG mikla áherslu á að virkja starfsfólk á jákvæðan hátt og þar með tryggja að breytingaferlið virki sem skyldi.

Aðstoð við fyrirtæki í rekstrarerfiðleikum

KPMG hefur reynslu í að koma að mál um þar sem fyrirtæki standa höllum fæti eða geta ekki staðið undir skuldbindingum gagnvart lánardrottnum og býður uppá sérhæfða þjónustu á þessu sviði. Í þessu samhengi má nefna eftir farandi þjónustu afurðir:

Tímabundin aðstoð við stjórnun
Framkvæmdastjórnun
Áhættumat
Stýring á gjaldþrotameðferð
Nauðasamningar við kröfuhafa
Endurmat og sölumeðferð eigna
Fjárhagsleg endurskipulagning
Hlutafjársöfnun
Endurreisn, verðmat, sala eða sameining

Þegar fyrirtæki hefur ekki lengur fjárhagslega burði til að standa undir frekari starfsemi er mjög mikilvægt að bregðast hratt við. Fjármögnunaraðilar og hluthafar eru í sumum tilvikum ekki upplýstir um stöðu mála. Þetta þýðir að það er mjög mikilvægt að vinna hratt og örugglega þegar svo ber undir og þar með að auka líkur á því að hægt sé að bjarga eignum og hugsanlega endurreisa fyrirtækið.

Endurskipulagning Hér má nálgast yfirlit yfir þessa þjónustu á pdf formi.